RUTA DE SENDEIRISMO DE CIRCES

---

• LOCALIZACIÓN E ACCESIBILIDADE:

Dita ruta vai transcorrer a través da parroquia de Circes, a parroquia máis ó Leste do concello e tamén unha das máis meridionais, onde cobra moita importancia o río Ulla.

A accesibilidade vai ser boa en case todo o traxecto, aínda que se poden atopar zonas menos accesibles debido á maleza.

• DESCRICIÓN E CARACTERÍSTICAS:

Esta ruta desenvólvese a través da parroquia ante mencionada, nun percorrido duns 8 kilómetros, onde podemos destacar varias etapas con paradas importantes:

• Muíño de Circes: está situado case no límite do concello.

• Aldea de Chaos.

• Igrexa de Circes.

• Aldea de Quintás.

• Canón do Ulla: de impresionante beleza onde se poden observar, non só as fantásticas formacións de bosques de ribeira, senón tamén paisaxes de gran encaixonamento do río, meandros, etc.

• GRAO DE EXPLOTACIÓN E PROMOCIÓN

Este é un recurso turístico que presenta pouco grao de explotación, a pesares de que, cando se ofertou tivo bastante acollida pola poboación. Pero, actualmente, a creación de novas rutas máis complexas, fixo que esta quedara practicamente en desuso.

A promoción desta ruta correu a cargo do concello na súa publicación anual “Revista Anuario 1997”.

 

• POSIBILIDADE DE EXPLOTACIÓN E ATRACCIÓN TURÍSTICA

A atracción turística deste recurso pode ser moi elevada, pero debe ir de man da promoción e acondicionamento da ruta, así como o seu impulso cara fóra do concello.

---

Volver