RUTA TURÍSTICA DA PONTE BASEBE-POZO DO PEGO

---

• LOCALIZACIÓN E ACCESIBILIDADE:

Dita ruta vai transcorrer a través das parroquias de Novefontes,Fao e Ribeira.

A accesibilidade, na maior parte da ruta é boa, aínda que podemos atopar zonas con moito matorral que fan máis dificultosa a andaina.

• DESCRICIÓN E CARACTERÍSTICAS:

Esta ruta desenvólvese a través das parroquias antes mencionadas, nun percorrido duns 15 kilómetros, onde podemos destacar varias etapas con paradas importantes:

• Ponte Basebe: a carballeira e o remanso de auga do Ulla que nos atopamos ó finalizar a ruta turística, constitúe un dos lugares máis destacados en canto a zona turística do concello de Touro.

• Fervenza do Inferniño: aproximadamente no kilómetro 4 é un dos puntos de beleza natural máis destacados desta ruta.

• Pazo de San Cristovo: aínda que se atopa en ruínas, é un lugar de parada obrigada, para contemplar a riqueza que albergaban os antigos señores desta zona.

• Fervenza de Pena: aínda que é menos impresionante que a anterior tamén merece ser considerada como zona a destacar dentro desta ruta turística

• Bosque do Pego: discórrese por el a partir do kilómetro oito aproximadamente. A frondosidade e a gran extensión que ocupa, con especies autóctonas e ben conservado, fan que sexa considerado como un enclave moi destacado desta ruta e de todo o concello.

• Pozo do Pego: atopámolo ó final da ruta e é un remanso do Río Ulla rodeado dunha impresionante masa forestal autóctona, que o constitúen como unha zona moi descatada e a conservar dentro das zonas turísticas do municipio.

• GRAO DE EXPLOTACIÓN E PROMOCIÓN

Este é un recurso turístico que presenta un considerable grao de explotación, sobre todo, pola xente ou familiares de persoas residentes no concello que se achegan a realizala, así como polo nenos que estudian no colexio público do concello e que tódolos anos percorren o trazado desta ruta.

A promoción desta ruta lévase a cabo a través de folletos promovidos polo concello e tamén pola revista anuario do mesmo. Tamén apareceu mencionada en prensa escrita e na paxina web da CRTVG que adica ó concello de Touro ( www.crtvg.es/concellos).

 

• POSIBILIDADE DE EXPLOTACIÓN E ATRACCIÓN TURÍSTICA

A atracción turística deste recurso é elevada, xa que, dá unha imaxe de explotación turística do concello dentro do marco desta actividade.

---

Volver