Pavillón Polideportivo Municipal

---

 

O pavillón polideportivo municipal sitúase na parroquia de Touro en Fonte Díaz. Desde o concello, accédese a el baixando pola pista ó lado do colexio, e dito recurso xa é visible dende o propio concello.

 

O pavillón foi inaugurado o 23 de Abril de 1992 polo presidente da Deputación D. Salvador Fernández Moreda , aínda que o seu funcionamento foi un pouco anterior, xa que, xa se podía desfrutar das instalacións antes da súa inauguración.
 

O pavillón polideportivo municipal conta con varias pistas para practicar diferentes deportes:

• Conta con pista adicada á práctica do fútbol sala.

• Conta con dúas canchas para a práctica do baloncesto.

• Conta cunha pista para bádminton.

• Conta cunha pista para voleibol.

Ademais, o pavillón ten unha capacidade de aproximadamente unhas 500 persoas, que se reparte en dúas gradas, unha cunha capacidade de case 400 persoas e a outra cunha menor capacidade, aproximadamente unhas 100 prazas.

---

Volver