Campo de Fútbol Municipal

---

O campo de fútbol municipal sitúase na parroquia de Loxo, e a el accédese facilmente dende Touro a través da AC-240, que percorre o concello de Leste a Oeste, e que leva directamente á parroquia de Loxo. Unha vez alí, séguese ata a aldea de Goleta, e nesta aldea débese coller por un camiño a man esquerda que conduce ó recurso, que ademais é visible dende a carreteira.

O campo de fútbol foi inaugurado no ano 2001, e polo tanto é unha das instalacións máis modernas cás que conta o concello.

Presenta unha accesibilidade moi boa, xa que se acondicionaron tamén, os accesos, alcantarillado e a iluminación, para un desenvolvemento total da zona.

 

DESCRICIÓN E CARACTERÍSTICAS:

 

As instalacións do campo de fútbol están completamente cerradas en todo o seu perímetro. As características cás que conta son, en canto a dimensións do campo de fútbol, as mesmas que as dun campo normal, é dicir, as oficiais.

Conta así mesmo, con vestiarios destinados á utilización dos equipos ou usuarios do campo, e tamén con casetas e banquillos para ámbolos dous equipos que disputen partidos no mesmo. Os vestiarios están equipados con duchas, bancos e servicios para que os xogadores e usuarios poidan realizar ás actividades cá maior comodidade posible. Tamén conta con céspede artificial e servicios anexos que permiten unha utilización intensiva do recurso. O campo tamén dispón dun graderío cuberto que pode ser ocupado por unhas 300 persoas aproximadamente, situado nunha das marxes do campo de fútbol.

---

Volver