Servizo de apoio emocional para adolescentes e coidadores de nenos/as

ASEIA (Asociación para a Saúde Emocional na Infancia e na Adolescencia), especializada na atención integral en saúde emocional e mental comunitaria dos nenos, adolescentes e as súas familias, ven de poñer en marcha un Servizo de primeiros auxilios emocionais para adolescentes e coidadores de nenos/as.

O obxectivo deste Servizo é dar cobertura de apoio emocional e orientación psicolóxica, social e educativa, a aqueles/as menores e aos seus coidadores, que se atopen en dificultades de desbordamento emocional derivadas da situación de distanciamento social a causa do estado de alarma decretado pola pandemia do Covid-19.

O Servizo atenderá a adolescentes de entre 12 e 18 anos, e a coidadores/as de nenos e nenas de 0 a 11 anos.
Pódese contactar con ASEIA a través do teléfono 622.245.545 ou no mail Este enderezo de correo está a ser protexido dos robots de correo lixo. Precisa activar o JavaScript para velo.