Damián Iglesias Vilela (Club de Loita Touro), participa no Cto. de Europa Sub-23 en Rousse (Bulgaria), dende o 31 de Marzo ata o 3 de Abril.
O deportista de Loxo (Touro), participa por segundo ano consecutivo no Cto. de Europa Sub-23, na modalidade de Loita Libre Olímpica en 97 kg.
Damián está becado no CGTD de Pontevedra, onde adestra as ordes de Alexander Kachelaev e Marcos Miragaya. Durante estas últimas semanas, estivo afinando a súa preparación nas instalacións do CGTD.
Tras a última convocatoria co equipo preolímpico nacional, Damián Iglesias non perde de vista os Xogos Olímpicos de Río 2016, pero tampouco descoida as competicións propias do seu grupo de idade. É un deportista moi novo o que temos que coidar de cara a un futuro próximo, afirma Pablo Pintos dende a Dirección Técnica da Federación Galega de Loita e D.A.
