Un total de oitenta maiores do Concello de Touro foron atendidos a través do programa Coidados Porta a Porta. Esta iniciativa percorre toda Galicia ofrecendo servizos gratuitos de estimulación da memoria, podoloxía e audioloxía. A unidade móbil de Coidados Porta a Porta estivo instalada na zona de servizos de Fonte Díaz, díante da Casa da Cultura, os días 7, 10 e 11 de outubro. O alcalde de Touro visitou a unidade móbil e agradeceu aos traballadores a atención prestada aos maiores de Touro. Concretamente foron atendidos 30 personas no servizo de podoloxía; 36 no de audioloxía, e máis de 20 en estimulación da memoria. O programa está destinado a persoas maiores de 55 anos e pretende achegar estos servizos a todos os lugares da comunidada autónoma evitándolles desprazamentos para acceder estas prestacións de saúde especializadas.