VIII CONCURSO DE FOTOGRAFÍA “ TOURO EN IMAXES” BASES DO CONCURSO
PRIMEIRA
Establécense dúas categorías de participación sendo estas:
Categoría Adultos: Maiores de 18 anos
Categoría xuvenil : Entre 12 e 18 anos.
Poderán participar no presente concurso todos/as as persoas que teñen afeción pola fotografía , sexan profesionais ou non.
Cada participante poderá presentar un máximo de tres fotografías en cada categoría.
SEGUNDA
Tódalas imaxes presentadas pasarán a formar parte dun arquivo creado para uso municipal, e poderán ser explotadas, divulgadas ou reproducidas, citando sempre o nome do autor ou autores.
TERCEIRA
No caso de que se presenten ao concurso fotografías que reflictan imaxes que identifiquen ou sexan susceptibles de identificar a persoas físicas, o participante que as presente deberá enviar un documento escrito asinado por este participante, en virtude do que se compromete e obriga a obter o previo e expreso consentimento das persoas das cales as súas imaxes se reflicten nestas fotografías.
CUARTA
O tema das obras a presentar pode ser calquera relacionado con Concello de Touro: natureza, patrimonio histórico-cultural personaxes.
Establécense tres categorías:
1. Personaxes
2. Natureza
3. Patrimonio histórico - cultural.
As fotografías deberán ser inéditas, non se admitirán imaxes de montaxes, nin manipulacións que non sexan exclusivamente tratamentos de cor ou axustes referentes á calidade ou procesado da imaxe.
Non se poderán presentar ao concurso fotografías que reflictan imaxes que identifiquen ou sexan susceptibles de identificar a menores de idade.
As fotografías deberán ser impresas en papel fotográfico en formato de 24X30 mínimo e 30X40 máximo, en cor ou branco e negro.
Os traballos presentaranse nun sobre pechado cun lema ou título escrito por fora, ben especificada a categoría. No seu interior incluirase a imaxe ou imaxes presentadas e unha copia en formato dixital, e noutro sobre pechado, a identidade do autor e datos de contacto.
No dorso do sobre onde se inclúan, poñerase unicamente o título da obra . Quedarán anulados os sobres que leven á vista o nome do autor/a da imaxe
QUINTA
O prazo de admisión remata o 15 de novembro de 2013.
SEXTA
As fotografías deben presentarse no Concello de Touro (Fonte Díaz s/n)
Si se envían por correo, débese indicar por fora “ VIII Concurso de Fotografía Concello de Touro ”
O fallo do xurado é inapelable.
O xurado estará formado por un grupo de cinco persoas: o alcalde, ou a persoa na que delegue, o concelleiro de cultura e tres persoas relacionadas co mundo da arte ou da fotografía.
O xurado poderá declarar deserto o premio.
SÉTIMA
Se entregaránnove premios distribuído da seguinte maneira:
Categoría Adultos:
Categoría Personaxes: 1º Premio:200€
2º Premio:100€
Categoría Natureza: 1º Premio:200€
2º Premio:100€
Categoría Patrimonio histórico cultural: 1º Premio:200€
2º Premio:100€
Categoría Xuvenil:
Consistirá nun único premio por categoría
Categoría Personaxes: Vale por valor de 100 €uros para material fotográfico
Categoría Natureza: Vale por valor de 100 €uros para material fotográfico
Categoría Patrimonio histórico cultural: Vale por valor de 100 €uros para material fotográfico
A entrega de premios realizarase nun acto coa data, lugar e hora comunicada a tódolos presentados oportunamente.
OITAVA: A participación neste concurso implica a aceptación das bases.