Instalacions

PISCINA MUNICIPAL

A piscina municipal de Touro localízase na rúa Castelao.

Desta edificación diferénciase a zona de vestiarios, divididos en dous, para homes e mulleres, e unha zona de cafetería e bar.

A instalación está acondicionada con duchas para antes do baño, zonas de desaugue para non esvarar, e conta cós servicios dun monitor e vixilante. Tamén dispón de outros elementos que favorecen ó disfrute destas instalacións, como son as táboas para os nenos, e a zona axardinada para poder tomar o sol.

PAVILLÓN POLIDEPORTIVO MUNICIPAL

O pavillón polideportivo municipal sitúase na parroquia de Touro en Fonte Díaz.

Conta con varias pistas para practicar diferentes deportes:

- Conta con pista adicada á práctica do fútbol sala.
- Conta con dúas canchas para a práctica do baloncesto.
- Conta cunha pista para bádminton.
- Conta cunha pista para voleibol.

PISTAS POLIDEPORTIVAS.

Existe unha pista polideportiva en cada parroquia. Estas son pistas acondicionadas onde se sitúan campos de fútbol sala e baloncesto.

CAMPO DE FÚTBOL MUNICIPAL

O campo de fútbol municipal sitúase na parroquia de Loxo, e a el accédese facilmente dende Touro a través da AC-240, que percorre o concello de Leste a Oeste, e que leva directamente á parroquia de Loxo.

As instalacións do campo de fútbol están completamente cerradas en todo o seu perímetro. Estas contan con céspede artificial e servicios anexos que permiten unha utilización intensiva do recurso. O campo tamén dispón dun graderío cuberto que pode ser ocupado por unhas 300 persoas aproximadamente, situado nunha das marxes do campo de fútbol.

CANCHAS DE TENIS MUNICIPAIS:

 As canchas ou pistas de Tenis, localízanse na parroquia de Touro, xusto ó lado da piscina municipal.Están compostas por dúas pistas onde se pode realizar a práctica do tenis, vestiarios, para poder mudarse tralos partidos ou entrenamentos, e todo o equipamento necesario para practicar este tipo de deporte. 

XIMNASIO MUNICIPAL:

O ximnasio municipal sitúase na parroquia de Touro, na aldea de Fonte Díaz. Encóntrase emprazado no pavillón polideportivo

Este ten unha gran capacidade e conta con material especializado para dezasete tipos de actividades que se poden realizar no mesmo.