VI CONCURSO DE FOTOGRAFÍA CONCELLO DE TOURO

lun, 21 de marzo de 2011

VI CONCURSO DE FOTOGRAFÍA " TOURO EN IMAXES"

BASES DO CONCURSO

PRIMEIRA

Poderán participar no presente concurso todos as persoas que teñen afición pola fotografía , sexan profesionais ou non.
Cada participante poderá presentar un máximo de tres fotografías en cada categoría.

SEGUNDA

Tódalas imaxes presentadas pasarán a formar parte dun arquivo creado para uso municipal, e poderán ser explotadas, divulgadas ou reproducidas, citando sempre o nome do autor ou autores.

TERCEIRA

No caso de que se presenten ao concurso fotografías que reflictan imaxes que identifiquen ou sexan susceptibles de identificar a persoas físicas, o participante que as presente deberá enviar un documento escrito asinado por este participante, en virtude do que se compromete e obriga a obter o previo e expreso consentimento das persoas das cales as súas imaxes se reflicten nestas fotografías.

CUARTA

O tema das obras a presentar pode ser calquera relacionado con Concello de Touro: natureza, patrimonio histórico-cultural, personaxes.
Establecense tres categorías:
1. Personaxes
2. Natureza
3. Patrimonio histórico - cultural.
As fotografías deberán se inéditas, non se admitirán imaxes de montaxes, nin manipulacións que non sexan exclusivamente tratamentos de cor ou axustes referentes á calidade ou procesado da imaxe.
Non se poderán presentar ao concurso fotografías que reflictan imaxes que identifiquen ou sexan susteptibles de identificar a menores de idade.
As fotografías deberán ser impresas en papel fotográfico en formato de 30X40, en cor ou branco e negro.
Os traballos presentaranse nun sobre pechado cun lema ou título escrito por fora, ben especificada a categoría. No seu interior incluirase a imaxe ou imaxes presentadas, e noutro sobre pechado, a identidade do autor e datos de contacto.
No dorso do sobre onde se inclúan, poñerase unicamente o título da obra . Quedarán anulados os sobres que leven á vista o nome do autor/a da imaxe

QUINTA

O prazo de admisión remata o 20 de setembro de 2011.

SEXTA

As fotografías deben presentarse no Concello de Touro (Fonte Díaz s/n)
Si se envían por correo, débese indicar por fora " VI Concurso de Fotografía Concello de Touro "
O fallo do xurado é inapelable.
O xurado estará formado por un grupo de cinco persoas: o alcalde, ou a persoa na que delegue, o concelleiro de cultura e tres persoas relacionadas co mundo da arte ou da fotografía.
O xurado poderá declarar deserto o premio.

SÉTIMA

Entregaránse seis premios distribuído da seguinte maneira:
Categoría Personaxes:
1ºPremio: 250 €
2º Premio: 150 €
Categoría Natureza :
1º Premio: 250 €
2º Premio: 150 €
Categoría Patrimonio histórico cultural:
1º Premio: 250 €
2º Premio : 150 €

A entrega de premios realizarase nun acto coa data, lugar e hora comunicada a tódolos presentados oportunamente.

OITAVA

A participación neste concurso implica a aceptación das bases.